تحدث رضا سيكا مدافع الزمالك والاسماعيلى الاسبق موجهاً حديثه الى الاعلامى خالد الغندور لاعب الزمالك الاسبق.
الحديث فى مجمله يتناول الغندور بانتقاد شديد .
حيث قال سيكا : خالد الغندور كان يتولى مهمة أعمال الترجمة للالمانى أوتوفيستر أثناء قيادته للزمالك .
وواصل حديثه : الزمالك تعاقد معى من أهلى جدة قبل مباراة 6/1 بأسبوع واحد فقط .
وأوضح : نزلت من الطائرة على الدكتور أحمد عبد العزيز عملت "تنضيف غضروف الركبة" قبل المباراة بـ 48 ساعة فقط.
واستكمل : روحت اسلم على اللاعيبة قبل الماتش وجدت اوتوفيستر بيقولى هتلعب الماتش .
وتابع : عقدت جلسة معه وكان خالد الغندور فى الوقت دا هو المترجم بينا وقولتله أنا مش هقدر العب قالى هتشارك ربع ساعة فقط .
وأضاف : خالد الغندور كان بيقوم بأعمال الترجمة عشان كان فاضى مش بيلعب .
طالع من هنا : تصريحات ناريه : رضا سيكا .. الاهلى متعود على ذبح أبنائه برعاية هذا الثنائى
واسترسل : قعدت سنتين ونصف فى الزمالك خدت 9 بطولات مشفتش الغندور بيلعب 90 دقيقة وفى الآخر بيقولوا الكابتن التاريخى للزمالك.
وختم حديثه قائلا : الغندور مشى من الزمالك راح الترسانة، ولو كان لاعب كويس كان راح نادى أفضل .
