تحدث رضا عبد العال نجم الأهلي والزمالك الاسبق عن قرار أحمد فتحي لاعب الاهلى ، والذى اعلن فيه عدم تجديد تعاقده مع الاحمر ورحيله بنهاية الموسم الحالى .
وقال رضا عبد العال أن هذا القرار يخص اللاعب وحده.
وتابع : أحمد فتحي خد الفلوس وهيلعب بمزاجه خصوصا بعد ما أمن مستقبله هو عايز يحط "خميرة" كويسه .
وأضاف : فتحى مش في دماغه يجيب بطولات او يرفع كاس ، اللاعب حسبها ماديا.
وتسائل عبد العال : هو لو كان الأهلي قال مش عايزه كان هيبقى حلو؟، هو لازم الأهلي اللي يدبح!.
وواصل : الأهلي أخطأ بسبب تأخير تجديد عقد فتحي وكان من المفترض أن يفاتحه في الموضوع من بداية الموسم .
وأكمل تصريحاته : الأهلي عنده حتة الــ "أنا" والكبر عايزين اللي يتمسك بيهم بس.
واستدرك رضا عبد العال حديثه وتصريحاته قائلا : فتحي أعطى جرس انذار خلال التجديد الماضي ابان أزمة عبد الله السعيد انه كان بيناقش اللعب للزمالك ومتلومهوش لانه مش ابن النادي.
وختم تصريحاته قائلا : دي حرية شخصية للاعب ،وهو شاهد ما حدث لحسام عاشور وعماد متعب اولاد النادي اللي تعمل معاهم كده، فما باله هو اللي مش ابن النادي ممكن يعملوا معاه ايه
