حرص الشاعر الغنائى تامر حسين على دعم السيناريست الزملكاوى مدحت العدل، ، فى الحملة التى تعرض لها من جانب جماهير الاهلى خلال الفترة الأخيرة.
واكد تامر حسين أن جميع أفراد عائلة العدل أصحاب فضل وجدعنة، مطالبا الجميع بعدم التعصب :
وعبر فيس بوك كتب تامر حسين صورة تجمعه مع مدحت العدل معلقاً عليها :
مع أستاذى الشاعر الكبير والسيناريست المُبدع دكتور مدحت العدل يعنى الفن والأخلاق والاحترام والشهامة والذوق كله واللى ما يعرفك يجهلك يا دكتور، الحقيقة إنى بعتبر كُل آل العدل عيلتى وأهلى وعمامى وخلانى وإخواتى، وتحديداً الله يرحمه أستاذ سامى العدل والمنتج الكبير جمال العدل وأستاذ مدحت العدل وإخواتى المخرج العبقرى ماندو العدل وأخى وصديقى الملحن أحمد العدل .
وتابع : شهادة حق، الناس دى ماشفتش فى جمالهم وفى جدعنتهم وولاد أصول وولاد بلد وأكبر من أى مهاترات وكلام خايب نابع من تعصب أعمى ومابتكلمش على انتماءات، لك مطلق الحرية شجع اللى تشجعه بحُب ده حقك، بس الكبير له احترامه ومقامه دى مبادئ عارفينها من واحنا أطفال إلا الخوض فى الأعراض، شجع اللى تشجعه انت حُر ليك مطلق الحُرية، أنا بتكلم فى مبدأ وإنسانية، بلاش تنشغلوا بالدنيا أوى كده احنا فى أيام ماحدش عارف مين فينا حايقابل ربنا قبل التانى".
وواصل : يا شباب أياً كان الانتماء شجع اللى تشجعه بحُب ولك كل التقدير والاحترام بدون فتن، كل دى أمور دنيوية محدش واخدها معاه فى أخرته، المهم التعصب ماينسيش حد انسانيته ولا رحمته، ولا يختلط الأمر ونتجاوز ونخوض فى أعراض لوجه الله فقط .