رد الاعلامى أحمد عفيفى المنضم حديثاً الى قناة النادى الرسميه على منتقديه ، بعد الاعلان عن توقيعه والانضمام الى صفوف القناة .
وعبر صفحته الرسميه على فيس بوك قال عفيفى :
اولا : يا جماعة الخير انا قلت البداية من يوليو ان شاء الله، ليه فيه صريخ من دلوقتي؟ استنوا يا جماعة، ده شهر كامل يمكن اموت قبلها او مطلعش اصلا او اطلع وافشل او يحصل اي حاجة، نوفر الصريخ لوقته.
ثانيا : لو حد قرر يضغط عليا هو حر، حد بيحاول يطرح اسئلة اتجاوبت مليون مرة او حتى متحاوبتش، هو حر، حد بيحاول يقلب الزملكاوية عليا بأي وسيلة هو حر واللي هيتأثر بالكلام من الزملكاوية هو برضه حر.
هتتهم حد بيتكلم عني كويس انه بيطبلي عشان الحد ده يخاف يتقال عليه مطبلاتي فيقلب عليا عشان ينفي عن نفسه التهمة فانت حر وهو خفيف بس حر
وتابع : لكن تنتظر مني تجاوب وتفاعل وردود فللأسف مش هتلاقي، انت حر في صريخك وانا حر برضه احاول استغل وقتي في حاجة مفيدة، الحرية مكفولة للجميع.
وواصل : لكن نصيحة، اتقل شوية، لسه فاضل شهر، اسبوعين تلاتة كده وابقى ابدا الحملة بعدها عشان تبقى لسه سخنة احتراما لاصول الشغلانة حتى
وختم : اخيرا ، تقبل الله صلاة العصر منا ومنكم .
مرتضى منصور رئيس النادى اعلن امس عن انضمام أحمد عفيفى واسماعيل يوسف الى طلقم عمل قناة النادى الرسميه .
