أبدى أيمن يونس، نجم الزمالك ومنتخب مصر الأسبق ترحيبه بقرار عودة مسابقة الدورى بعد التجميد والتوقف الاخير بسبب تفشى فيروس كورونا .
وقال يونس فى برنامجه الفيسلسوف عبر إذاعة أون سبورت : لازم الكل ياجماعة يتجاوز فكرة أن بعض الأندية عايزة الدورى يرجع عشان تفوز باللقب، وفكرة أن بعض الأندية رافضة عشان خايفة من الهبوط .
وتابع : لازم نعدى المرحلة دى، إحنا واثقين فى عمرو الجناينى رئيس اللجنه الخماسيه وفى المجموعه اللى معاه ، وعارفين إنهم هيوصلوا بالمسابقة لبر الأمان .
وتابع : عندنا دراسات بتقول إن هيكون فى خسائر كبيره جداً فى حال إلغاء المسابقة ،،يبقى لازم على قد مانقدر نقلل الخسائر دى، ونرجع البطولة عشان اقتصاديات كرة القدم تنتعش .
وواصل يونس : إيقاف النشاط لفترة طويله يؤثر على اللاعبين المصنوعين ، ويجعلهم فى حاجة لوقت طويل لاستعادة فورمتهم، أما الموهوبون لا يجدون معاناة أبداً فهى موهبة من ربنا ، وأكبر دليل ما رأيناه من الاسطورة ميسى بعد عودة الدورى الإسبانى .
