ويبقى التعليق لكم
أكد الإعلامى أحمد شوبير، أن النادى الأهلى يفوز ويتوج بالدورى بمجهوده ودون مساعدة من أى أحد .
وعبر برنامجه الصباحى الاذاعى قال شوبير : كل مايتكلموا عن الدورى يقولوا راجع عشان الأهلى، أيه العلاقة بين الأهلى وعودة الدورى .
وتابع : رؤساء الأندية بيقولوا هنغرم ملايين بسبب الأهلى، هو الأهلى ماله ولا ذنبه أن بيدور على الحق .
وواصل نائب رئيس اتحاد الكره الاسبق : الدنيا اتشقلب حالها بدل ما نصفق للمجتهد ونقوله برافو بنهاجمه، الأهلى مش عايز حد يديه الدورى، الأهلى بياخد الدورى بمجهوده وبإنجازاته وسواعد لاعبيه.
وأضاف : الاهلى مش محتاج مساعدة من حد، لو فقدتوا الأمل فى التتويج بالدورى فكروا حتى تكسبوا مباراة الأهلى .
وتطرق شوبير الى عودة الدورى المغربى قائلا : يابشوات الدورى المغربى راجع، والأندية اللى هتقابلوها فى أفريقيا هترجع وتبقى جاهزة فنياً وبدنياً هتعملوا أيه ساعتها .
وختم : الكاف قال لازم الفرق الأربعة يعملوا مسحات كورونا ويستعدوا لأنه مش هيلغى أو يأجل بطولاته .
