فى اطار المتابعه لكل ما يقال عن فكرة عودة الدورى أو الغائه وكل الحديث الحديث الدائر فى هذا الامر .
لفت نظرى بالامس جمله تكررت فى عدة برامج تلفزيونيه ممن يتبنون وجهة نظر عودة الدورى " وكل واحد حر فى رأيه " وهى جملة سيبك من الدورى والاهلى والزمالك والبطوله ، احنا عايزيين البطولة ترجع علشان شكلنا قدام العالم .
جملة علشان شكلنا قدام العالم تكررت فى اكثر من برنامج ، ولا ادرى لماذا تذكرت هنا جملة الراحل الجميل الاستاذ عبد المنعم مدبولى فى فيلم الحفيد حين قال للراحلة كريمة مختار ، "" لازم البوفتيك علشان محدش يقول حاجه "" .
هذه الجمله رداً على حديثها بأن لازم نعمل بوفتيك للغداء علشان محدش يقول حاجه لينفجر فيها غضباً """ لازم البوفتيك علشان محدش يقول حاجه """ .
وقارنت الجمله بالجمله وهو لازم الدورى يرجع علشان شكلنا قدام العالم ومحدش يقول حاجه .
أى شيء ممكن يقال من العالم تجاه مصر أو غير مصر فى ظل هذه الظروف التى يعيشها الجميع ، دول كبرى ألغت مسابقتها خوفاً من الفيروس ، الفيفا نفسه مازال يؤجل اى شيء يخص مسابقاته خوفاً من الفيروس .
الاتحاد الاوروبى ، الاتحاد الافريقى ، الاتحاد الاسيوى ، كل دول العالم مازالت تعيش حالة من التخبط والارتباك بسبب الفيروس وتداعياته ،، اذاً ماذا سيقول العالم اذا قررت مصر الغاء مسابقات هذا الموسم والبدء فى فى موسم جديد .
ماهذه الجمله السخيفه وسامحونى فى التعبير ... أى شكل تبحثون عنه فى ظل عالم مرتبك كله من الاساس بسبب هذا الفيروس .
هل حجج استئناف البطولة انتهت وبقى شكلنا امام العالم .
واخيراً وحتى لااطيل عليكم : لازم البوفتيك علشان محدش يقول حاجه ...
