أكد شريف أشرف مهاجم الزمالك الاسبق أن الزمالك لا يقل أهمية، عن النادي الأهلي بالأرقام والتاريخ .
واشار مهاجم الزمالك الاسبق إلى أنه من الوارد يكون هناك اختلاف في أرقام البطولات ولكن القطبين أندية بطولات.
وقال في تصريحات لبرنامج "زملكاوي" على قناة النادي الرسميه : الزمالك مش معموله حساب من الحكام جوه الملعب زي إنذار أو فاول بعكس الأهلي، مؤكداً أن الأهلي قوي إعلاميًا وإداريًا ومش هنقدر نغير الواقع ده .
وأضاف : الأهلي لو محتاج جون هيتضاف له وقت إضافي كبير وده معروف في الكورة المصرية وده بيحصل مع الزمالك أحيانا بنسبة 70 لـ30% .
وشدد على ان الأهلي في حتة تانية في معاملة الحكام والزمالك بيتعمل له حساب ،ولكن مش زي الأهلي وده شوفته خلال المباريات اللي لعبتها ضد الأهلي والزمالك مع الأندية التي لعبت لها .
وختم حديثه قائلا : الأهلي نادي بطولات ونادي عريق ولكن نتحدث عن وقائع تحكيمية تمت فيها مجاملة الأهلي حتى لا يفهم أننا نهاجم الأهلي.
