خلال إستضافتة ببرنامج " صباح الخير يامصر " قال الدكتور محمد عامر رئيس نادى الزمالك السابق " انا متواجد ولا يمكن أنسى الزمالك ودة إنتماء ، ودى قضية أبدية ، وهو غنتماء للمكان الذى تربيت فية ، وانا متابع لأحداث نادى الزمالك من برة ومن جوه ،أنا بروح النادى يوم فى الإسبوع وبأقعد مع الناس وبسمع عن اللى بيحصل من النادى و الجرايد " .
عامر قال " أنا بقعد فى النادى مع مجموعة من الأصدقاء وناس أكتسبتهم خلال فترة عملى بالنادى او أخرين شعروا بمجهودى خلال فترة رئاستى للنادى ،وقضية الإنجازات تترك للتاريخ ".
واستكمل " هنرى ميشيل كان محل حوار طويل خلال فترة إختيار دى كاستال ، فى اللجنة المؤقتة وقتها ، والتى رأت ضرورة إجراء إنتخابات فى تلك الفترة ، وكنا محتاجين مدرب يبدء فى الموسم الجديد وفى نفس الفترة اللى كان فيها الزمالك فى المركز الـ11 ، وكان لابد من إختيار مدرب ، وهنرى طرح علينا من خارج المجلس على ان يتولى هذا الشخص دفع مرتب المدرب ،ولكن ذلك لم يحدث لأنه لم يأتى ".
عامر قال " هنرى كان عاوز عدد من اللاعبين يمشوا ، وفيه ناس منهم مشيت بالفعل ، لكن كان عاوز يمرنهم جنب منتخب المغرب ،واكن فيه إعتراض من بعض الجماهير ،ولما جينا نتعاقد معاه قال فيه شرط جزائى مقابل إنى أتنازل عن مرتبى لمدة شهرين ، ودى كانت مشكلة " .
عامر اكد على ان كاستال قدر يؤلف تركيبة وصلت بالفريق من المركز الـ11 الى المركز الـ6 ،لكن الجماهير لم تكن تقبل ذلك .
عامر قال ان ما يتردد عن إصدار شيكات بدون رصيد غير صحيح ولكن هناك شيك واحد لم يصرف بسبب تغيير التوقيعات عليه بعد تغيير المجلس ..وما حدث كان محاولة لإنقاذ أرض النادى الموجودة بمحافظة 6 أكتوبر ، وهى أرض قيمتها 2 مليون جنية ، والشيكات موجودة لوم اضعها فى جيبى ،وانا فى خدمة نادى الزمالك " ولو هروح معاهم أشيل لهم ميه " .
وأستكمل " أنا عاوز اللى بيقول كدة يطلع ويقولى فى وشى ، ما ينفعش مدير عام النادى يطلع يتكلم عليا وهو قدامى ما كنش يقدر يتكلم ،وانا يهمنى إستقرار النادى والتواصل مع الناس".
