انتقدت الدكتورة حنان السكرى، استشاري أول التوليد وأمراض النساء والعقم، فى تدوينة لها عبر صفحتها الشخصيه على موقع التواصل الاجتماعى فيس بوك الدكتور محمد مشالى، طبيب الغلابة، الذى رحل عن عالمن منذ أيام.
وعبر فيس بوك كتب حنان السكرى :
د.مشالي.. فوق راسي.. لكنه لا يمت للطب بشيء.. و لا له أى علاقة بالممارسة الصحيحة، ولو وزارة الصحة راحت عيادته علشان تعمل تفتيش ضروري تقفلها وتمنعه من ممارسة المهنة والعمل بالطب، لأن عيادته دي تخالف المواصفات الخاصة بالترخيص من ناحية النظافة والتعقيم واحتياطات مكافحة العدوى.
وتابعت : ولو نقابة الأطباء عملت تفتيش ولقيت طبيب بتاع كله، يعني بيكشف أطفال وهو موش متخصص أطفال، وبيكشف باطنة وهو موش متخصص باطنة، وبيعمل تحاليل بأجهزة بدائية موش بتظهر الميكروب صح وهو موش متخصص تحاليل، هتوقفه عن العمل فوراً وممكن يتشطب من النقابة .
وواصلت : د.مشالي لما رفض مساعدة غيث دى موش بطولة ولا جدعنة ولا كرامة وكبرياء، ده غلط وضد مصلحة الفقرا والغلابة اللى بيعيش علشانهم زى ما بيقول.
واضافت : لو عاوز يخدمهم صح يوافق على تجديد عيادته اللى متمسك بيها وسط الغلابة.. يوقف الشغل كام يوم ويفضي كل حاجة فيها والجرايد اللى من أيام الملك، واللي حاططها جانبه كأنها مراجع طبية وأكيد كلها تراب وميكروبات وعفن، ويحط الميكروسكوب الغريب اللى لازقه بشيكرتون في المتحف، ولما يحب يعمل تحليل بول لحد يبعته لمعمل محترم يكون بيعمل خير برده ومجاني .
واستكملت انتقادها للراحل قائله : لما هو يقدر يلبس كويس ليه يلبس مبهدل ويبقى مظهره غير لائق كإنسان موش هأقول كدكتور؟..
واتمت : يعني لا ممارسة صح، ولا عيادة صح، ولا مظهر لائق، والإعلام عمال يظهره كأنه أبوقراط .
وتبقى كلمة : من العيب أنى أتكلم على شخص توفاه الله ، لا يستطيع حتى الدفاع عن نفسه ،، مش هقدر أقول غير كدا .
شارك برأيك .. رأيك يهمنا ..
