تحدث وائل جمعة لاعب النادى الأهلي الأسبق، عن رحيل رمضان صبحي لاعب فريق هيدريسفيلد عن صفوف النادي الاهلى وقتراب انضمامه لنادي وبيراميدز.
وعبر حسابه على موقع التواصل الاجتماعى تويتر قال وائل جمعه :
الفترة اللي فاتت واللي حصل فيها من بقاء ورحيل بعض اللاعبين عن الأهلي وما يحدث حاليا فيها دروس كتيرة جدا لإدارة نادينا في التعامل مع اللاعبين .
وأضاف : أهمها بس اللي باعك مرة هيبيعك ألف مرة وفي برضه اللي اشتراك هيفضل متمسك ويبيع الدنيا والفلوس علشان خاطرك ومع ذلك بياخد وبيتقدر من النادي.
وواصل : التاريخ حاضر لكي يفكرنا كنا ليه كويسين في النقطة دي أولا العقود كانت خمس سنين وقبل نهاية العقد بسنتين لومجددتش مع السلامة أو تتجمد .
وأتم : هناك ألف لاعب يتمنى يلعب عندك، ثانيًا مش إحنا اللي بنعمل تماثيل عجوة وعمر ماحد يلوي دراع النادي الأهلي، دائما وابدا سيظل الأهلي بمن حضر .
