كشف الإعلامى أحمد شوبير، كواليس جديدة فى أزمة رحيل رمضان صبحى لاعب هدرسفيلد الإنجليزى عن النادى الاهلى.
وقال شوبير فى برنامجه الإذاعى بالنص : لما كلمت رمضان صبحى أفهم منه ليه مشي من الأهلى قالى إنه زعلان أن الأهلى دفع مبالغ كبيرة فى شراء حسين الشحات وطاهر محمد طاهر.
وتابع شوبير : رديت عليه قولتله وأنت مالك يابنى بالشحات وطاهر، من حق أى فريق يدعم صفوفه والأهلى مقصرش معاك رغم أن اشترى لاعيبة كتير بس بردو قدملك العرض الأغلى فى تاريخ الاهلى.
وواصل شوبير : رمضان صبحى كان بيكلمنى وبجواره شريف إكرامى، وقالى ياكابتن أنا اتصلت بالكابتن محمود الخطيب عشان أبلغه أنى هلعب لبيراميدز، لانه قعد معايا وهو مش بيقعد مع اللاعيبة خالص بشكل منفرد.
وأضاف : للأسف مردش عليا فكلمت أمير توفيق بلغته إنى خلصت فى بيراميدز بنسبة 80 %".
وأكد شوبير على نقطة نادر شوقى قائلاً : يا جماعة نادر شوقى انفصل عن رمضان صبحى، وانتهت علاقتهم ببعض ورمضان أصبح ليه وكيل جديد هو على صقر .
وختم : وللى ميعرفش على صقر هو "ابن خالة نادر شوقى".