وجه حازم إمام نجم الزمالك ومنتخب مصر الأسبق رسالة دعم لمصطفى شوبير حارس الأهلى الصاعد.
جاءت هذه الرساله قبل أول ظهور له بشكل رسمى فى حراسة مرمى النادى الاهلى اليوم فى مباراة الترسانه.
وقال حازم عبر برنامجه الاذاعى : ربنا معاك يامصطفى النهارده..حمل كبير يابنى والله..بجد الله يكون فى عونك ، أنا بحمد ربنا أنى ملعبتش فى زمن السويشال ميديا ، كان هيستلمونى ويقولوا عليا أبناء عاملين مع أى غلطة.
وأضاف : دايما بتعاطف مع أبناء النجوم زى مصطفى شوبير وسيف فاروق جعفر وغيرهم ، بجد مشكلة كبيرة أن يكون أبوك نجم والناس تصفى حساباتها مع أبوك على حسابك .
وواصل : لما كنت بلعب واجهت مدربين رفضوا إشراكى فى المباريات لان والدى كان مدير كرة وكان علاقتهم وحشة بيه ، وعشان كدا مكنوش بيحبونى ، فياريت ياجماعة حاسبوا اللاعب على اداؤه فى الملعب بعيداً عن أبوه مين.
وأتم : مصطفى شوبير أنهارده يلعب نقيمه بمجهوده ولازم نديه فرصة عشان دا حارس صغير محتاج خبرة وثقة ودعم من الجمهور .
وختم : ياريت بشويش يا أهل السويشال ميديا عليه ، وبلاش نحاسبه عشان ابوه شوبير ، وتانى بقول الحمد لله ان ربنا نجانى من عصر السويشال ميديا.
