أبدى الاعلامى أحمد حسام ميدو نجم الزمالك الاسبق تأييده لتصريحات حسام البدرى المدير الفنى لمنتخب مصر بخصوص مصطفي محمد مهاجم الزمالك.
ونشر ميدو عبر صفحته الشخصيه على موقع التواصل الاجتماعى "تويتر":
كتب: "مصطفى محمد أفضل مهاجم في مصر، ولكن طبيعي إن مدرب المنتخب يطلع يقول انه محتاج يشتغل على نفسه كتير".
وأضاف: "علشان يكون المهاجم الأساسي للمنتخب.. المدرب من حقه انه يستخدم الاعلام في بعض الاوقات لاخراج افضل ما عند لاعبيه ".
وتابع: "خاصة لو كان لاعيب صغير في السن، لازم كلنا نستنى قرارات حسام البدري الفعليه وليس تصريحاته".
وقال: "ممكن يكون حسام البدري بيستفز مصطفى علشان يموت نفسه علشان يكون المهاجم الاساسي للمنتخب".
وأكمل: "لو حسام البدري صرح دلوقتي ان مصطفى احسن مهاجم في مصر تبقى دي بداية النهاية بالنسبه لمصطفى!! انا مع تصريحات حسام البدري!!".
وواصل: "مصطفى من نوعية اللاعيبه اللي لازم يتحط تحت ضغط على طول علشان يديك احسن حاجه عنده..ماعنديش اي شك ان مصطفى هيكون مهاجم المنتخب الاساسي مع حسام البدري".
واستطرد: "مش فاهم في ناس عايزه مدرب المنتخب يقول للاعيبه الصغيره اهلا بيكم مكانكوا محجوز في المنتخب.. اعملوا اللي انتوا عايزينه الفتره اللي جايه وانا في ظهركوا..مفيش اي مدرب كبير بيعمل كده ابدا!!".
وأشار: "اخيرا لو لم يشرك البدري مصطفى محمد اساسيا مع المنتخب واعطاه الوقت الكافي في المباريات القادمه لان يثبت للجميع انه يستطيع ان يكون المهاجم الاساسي".
وأتم: " سأكون اول المنتقدين له ولكن حتى الان انا مع تصريحاته فيجب ان يعلم مصطفى بان مازال امامه الكثير من العمل ليكون مهاجم مصر الاول".