انتقد الناقد الرياضى والمحلل الكروى الزملكاوى أحمد عفيفى تصريح الكابتن عصام عبد المنعم رئيس اتحاد الكره الاسبق ، والذى طالب فى تصريحات له بترحيل فرجانى ساسى لاعب الزمالك من مصر .
جاء هذا الحديث على خلفية ما حدث مع حكم لقاء الزمالك والمصرى الاخير فى بطولة الدورى العام.
وعبر فيس بوك كتب أحمد عفيفى :
اللي طالب بإلغاء إقامة فرجاني ساسي ده مش مجرد لاعب سابق او اعلامي سابق، ده رئيس سابق لاتحاد الكرة بالتعيين، في فترة رئاسته عمل شئ تاريخي مأخدش حقه وقتها لأن مكانش فيه سوشيال ميديا.
وأوضح : الحكم محمد السيد تم الاعتداء عليه في ماتش الزمالك والمصري في بورسعيد في كاس مصر، الحكم ألغى المباراة بين الشوطين وأكملها صوريًا لتفادي حدوث شغب، ركز معايا، الراجل مش رصد حالة مثلا واتحاد الكرة اقر فيها عقوبة مخففة او مغلظة او مأقرش عقوبة اصلا لأ، ده ألغى المباراة نفسها من بابها كده.
وتابع : عصام عبدالمنعم ألغى تقرير الحكم نفسه واعتمد فوز المصري بالمباراة
وأضاف : في فترة رئاسته تم تشكيل المحكمة الرياضية عشان تنظر في قضيتين
اسلام الشاطر اللي تم الحكم فيها للأهلي
ابراهيم سعيد اللي تم توقيع عقوبة مالية عليه اكبر من قيمة عقده نفسها مع ايقافه كمان
بعد القضيتين دول اتلغت المحكمة الرياضية.
