تحدث المدير الفنى لوادى دجلة عن التعادل الليلة الذى حدث أمام الزمالك فى الدورى وتسببه فى فقدان الأبيض نقطتين.
مدرب دجلة أكد قائلا: قدمنا شوط اول جيد، سيطرنا على المباراة، وكانت فرصة اللاعب رفيق كابو كبيرة جدا في الشوط الاول.
وتابع: أما في الشوط الثاني، فقد عانى الفريقين من الإرهاق، وفريقى عانى من اصابات كثيرة ، فقدنا ٢ لاعيبة أصابه و بعدها مروان، حاولنا نتعامل خلال المباراة وأعتقد انها نقطة عادلة للفريقين
وأضاف: معظم الفرق مكنش عندها مشاكل منذ العوده ولكن حاليا ظهرت الإصابات وللأسف كده يعتبر اننا بنموت اللاعيبة، اتمنى في الموسم الجديد يكون عندنا وقت كفاية للاستعداد، مش عشان دجلة بس ولكن عشان المنتخب يلاقي لاعيبة تلعب بيها كمان، لازم يكون الجدول طبيعي وعادل والفرق قادرة تستعد بشكل كويس.
واستكمل قائلا: دافعنا طول المباراة كويس جدا، والفرص اللي بتيجي بنستغلها، انا ارضى عن أداء اللاعيبة اللي اتغير الفتره دي، متبقي مبارتين فقط اتمنى اننا نخلص الدوري واحنا كاملين العدد وهيتم تدعيم الفريق بالموسم الجديد
واختتم: اللعيبة بدأت تتأقلم مع طلباتي انا امتلك لاعيبة كويسة جدا وقدرت تترجم طلباتي بالايجاب و ده لمصلحتهم في الاخر.