تحدث الاعلامى والمحلل الرياضى احمد عفيفى ، وبوجه عام عن ما يحخدث مع نادى الزمالك فى الفتره الاخيره من احداث .
وعبر حسابه على فيس بوك كتب عفيفى :
انا مش من النوع اللي بيزعل لو الاعلام ضد الزمالك، يمكن تكون غريبة بس انا فعلا مبزعلش، ممكن اعقب او اشرح او انتقد لكن لو سألتني تحب الاعلام يبقى منحاز لك؟ هقولك لأ، هحس انه وضع غير مريح.
انا اللي يزعلني ويقلقني فعلا ان الزملكاوية يكونوا مشتتين وبيخوضوا حروب ضد بعض وكل مجموعة شايفة انها بتمتلك الحقيقة المطلقة وكل ما عداها باطل.
انا مرتاح حاليا لأن ده مش موجود، حاسس ان كلنا واحد، اللي عاجبنا عاجبنا واللي مش عاجب مجموعة مننا بتتحامل على نفسها وتبلعه عشان الهدف الاكبر،بحس بالقوة لما نكون كلنا مع بعض مش لما يكون اي حد برانا معانا.
