قلل أحمد عيد عبد الملك نجم الزمالك الاسبق من مباراة بيراميدز الليله أمام فريق حوريا كوناكرى فى الدور نصف النهائى لبطولة الكونفدراليه الافريقيه .
وعبر حسابه على فيس بوك كتب أحمد عيد الملك :
النهاردة دوري أبطال أوروبا ونفس الوقت ماتش بيراميدز مع كامل الاحترام والتقدير لبيراميدز محدش هيتفرج عليهم، تخيل لو ماتش للزمالك او الاهلي مع ماتشات دوري الابطال الكل هيتفرج علي الزمالك او الاهلي.
وأضاف : من الاخر الفلوس مهمة بس مش كل حاجة في الكورة ولو لعبت للاندية دي هتاخد فلوس وحب الناس.
وواصل : أي حد بيقول ان الفلوس كل حاجة الي بيلعب للزمالك و الاهلي بياخد فلوس وكتير والله و خصوصاً اما تبقي لاعب صغير في السن ليه تفكر تاخد فلوس بس من غير ما تعمل تاريخ لنفسك و يتفتحلك مجالات كتير بعد ما تكبر و تبطل كورة و تلاقي كيانات تسندك.
مباراة بيراميدز الليله تقام فى التاسعه بتوقيت القاهره، وتذاع على قناة بى ان سبورت 7 ، ويعلق عليها المعلق أحمد عبده .