|
" مش أنا اللى أضحك على فرقتى وهى خسرانة, وبعدين هو إيه اللى كان يضحك؟!, وهل كان الموقف يسمح بالضحك ؟! " بهذه الكلمات بدأ إبراهيم صلاح تصريحات مُبرراً اللقطة التى ظهر فيها مُبتسماً, بينما الزمالك خاسر بهدفين نظيفين أمام مازيمبى الكونغولى .
وأضاف إبراهيم " أنا كنت فى الملعب وشايف العذاب اللى إحنا فيه, والله العظيم ما كنت بضحك, ومن كتر الحزن اللى جوايا محستش بنفسى, ومعرفش وشى عمل كده إزاى ؟! ", مُبدياً حزنه الشديد من هجوم الجماهير عليه بسبب تلك اللقطة, خاصة وأنه لم يكن يتخيل أن يتعرض لهذا الموقف منهم .
وأوضح أن الفريق الأبيض كان يستحق الهزيمة فى الشوط الثانى أمام مازيمبى, كما أنه كان هناك لاعبين فقط أفطروا يوم المباراة, ولكن الزمالك أدى شوط أول جيد, ولم يكن يستحق الهزيمة فى أول مباراتين أمام تشيلسى الغانى والأهلى, مُعرباً عن تمنياته بأن ينجح الفريق فى الصعود للمربع الذهبى من بطولة أفريقيا .
وقال إبراهيم " والله العظيم اللاعيبة نفسها تعمل حاجة لنادى الزمالك, ومافيش حد مقصر ولا حد عاوز, كان نفسنا نكسب ونعمل ماتش كويس, لكن هى الظروف جت معانا كده " .
ويرى لاعب منتخب مصر, أن اللاعبين لا مشكلة لديهم فى من يتولى القيادة الفنية للفريق, مشيراً إلى أنه كان هناك بعض المشاكل فى عهد حسام حسن, ولكن فى النهاية اللاعبين مُجبرين على التعامل مع أى مدير فنى .
ووجه صلاح رسالة لجمهور الزمالك قائلاً " إحنا إتعودنا منكم إنكم دايماً واقفين جمبنا, مش عاوزين نوصل لمرحلة إنكوا تفقدوا الثقة فينا, إن شاء الله الجاى يبقى أحسن, وتكملوا اللى إنتوا عودتونا عليه ", نافياً ما تردد عن إشارته للجماهير بأنه سيرحل عن الفريق .
شاهد الفيديوهات
|
