نصح محمود ابو رجيلة نجم الزمالك الاسبق الاداره الجديدة بالهدوء والابتعاد عن الإعلام وترك الفنيات لأعضاء لجنة الكرة.
وأكد خلال تصريحاته: "على ثقته فى قدرة الفارس الأبيض على تقديم موسم متميز، وأن قرار تغيير إدارة الزمالك يهز أى فريق".
وأضاف: "خاصة أن المسئولين السابقين فى القلعة البيضاء كانوا يسيرون بصورة طيبة، ووصلنا للنهائى الأفريقى أمام الأهلى".
وأضاف: "كنا الأفضل وتخلى عنا الحظ، كنت أفضل استمرار أمير مرتضى وإسماعيل يوسف لنهاية الموسم لأنهم الأدرى بفريق الكرة ".
وتابع: "كان لازم التعيينات الجديدة تكون من داخل النادى، ناس فاهمة ومتابعة وعارفة اللاعبين والصفقات لأن النجاح لن يحدث بين يوم وليلة، وولاد الزمالك كثير ويعشقوا النادى".
وأشار: "المفترض فى لجنة كورة وفيها أسماء ورموز كبيرة وفى مدرب متميز يبقى محدش يدخل فى شغله، ومفيهاش حاجة لما يرفعوا سماعة التليفون على أمير مرتضى وإسماعيل يوسف ويسألوهم أيه الدنيا ونعمل أيه وكنتوا بتعملوا ايه نكمل عليه".
وأكمل: "لازم اللجنة المعينة تتسلح بالهدوء وتتبعد عن الإعلام وتشتغل شوية لصالح الزمالك وتسيب الفنيات لباتشيكو والأسرار متطلعش بره، لأننا داخلين على مهمة صعبة ومفيش حاجة اسمها استقالة بعد يومين ".
وأتم: "مطمن على الزمالك ومش خايف إحنا فريق كبير وعندنا لاعبين على أعلى مستوى، واللى مش مصدقنى يشوف ماتش الأهلى الأخير".
