شن رضا عبدالعال مدرب نادى طنطا، ونجم القطبين الاسبق، هجوم عنيف على مسئولى اللجنه المكلفه بادارة اتحاد الكره برئاسة احمد مجاهد، بسبب تخفيف عقوبة محمد الشناوى حارس مرمى الاهلى من 4 مباريات الى مباراه واحده.
وفى تصريحات تلفزيوينه قال عبد العال : الحكم خاف يدي محمد الشناوى، انذار، فى اللقاء.
وتابع : اللى خفف العقوبه، عايز ينط من المركب دلوقتى، علشان دا الاهلى، وأتحدى لو الواقعه دى حصلت مع اى لاعب فى اى نادى أن العقوبة تُخفف.
واستطرد : احنا في دوري عدلات، الموضوع ملهوش دعوة بكأس العالم للأندية العقوبة مش هتأثر علي الشناوي في البطولة انما هما عاوزينه يلعب ماتش بيراميدز، دى كل الحكاية.
وطلب عبد العال من مسئولى الاهلى، الحديث مع الشناوى، ويتقال له، مينفعش تعمل كدا انت كابتن الاهلى، ومنتخب مصر.
يذكر أن واقعة تخفيف عقوبة محمد الشناوى حارس الاهلى من 4 مباريات، الى مباراه واحده مازالت تلقى بظلالها على المشهد الكروى المصرى
