تحدث فرج عامر رئيس نادى سموحه عن بعض الكواليس التى تخص تفاوض بعض الاندية مع مهاجمة حسام حسن.
وعبر حسابة على فيس بوك أوضح فرج عامر موقف حسام حسن قائلاً :
محدش عارف مين اللي تفاوض واتفق معانا علي شراء حسام حسن، عموما الاتنين مهتمين جدا بية وبيتصارعوا علي شراءة واحنا اتفقنا مع واحد فيهم علي بيع حسام حسن ب٤٠ مليون جنية يدفع النصف في الايام القليلة جدا القادمة والنصف الآخر قبل بداية الموسم القادم.
وتابع : والتاني قال لي بالحرف الواحد استني لما تسمع مننا وارجوك ماتتصرفش علشان حيحصل تغييرات كتير عندنا الموسم القادم ولازم حسام حسن يكون موجود عندنا، و معنديش حاجة تانية اقولها في عذا الموضوع وربنا يستر علي حسام.
يذكر أن هناك حديث دائر منذ فتره وتجدد مؤخراً بشأن انتقال حسام حسن الى الزمالك، فى اطار صفقه تبادليه.
