خسر الزمالك بالامس أمام المحله، فى خسارة مفاجئه من زعيم الفلاحين.
واول شيء لابد أن نتحدث فيه، هو عدم اللوم على فريق المحله الذى يحتفل بفوزه على الزمالك فهذا حقه، ولابد للجميع أن يعلم أن الزمالك هو من أهدى المحلة الفوز.
ثانياً : فى الحياه العادية، يصل الانسان فى وقت ما الى نوع من الملل فى حياته، بسبب الروتين العادى، الذى يفعله كل يوم، مما يجعله فى أحيان كثيره فاقد تركيزه وشخصيته.
وهذا ينطبق على أحمد سيد زيزو، فهو يحتاج وبكل أمانه الى ان يحصل على أجازه عدة أيام، ثم يجلس على الدكة لمباراتين حتى يستعيد فورمته الذهنية رقم واحد، ومن بعدها الفورمة البدنيه.
ثالثاً : أبو جبل هو الاخر، وأنا هنا لا احمله مسئولية اهداف الامس، الا انه يحتاج ان يبتعد قليلاً، ويتم الدفع بمحمد عواد لفتره.
رابعاً : باتشيكو، لابد وأن يعرف امكانيات جميع لاعبيه، حتى يستطيع الدفع بهم فى التوقيتات المناسبه، ومفيش داعى للتاليف فى التشكيل، لانى أشعر أن الملعب مش مظبوط بتشكيل باتشيكو وتغييرات باتشيكو.
خامساً : مش هنعلق المشنقة لاسلام جابر، ونسيب باقى الفريق، فى لاعبين كتير جداً مش مستواهم بالامس، والغريب ان هؤلاء اللاعبين وهما مش مستواهم وواضح عليهم جداً بيلعبوا بالكعب وعايزين يعملوا حاجات مش وقتها.
سادسا : الصفقات الجديده كان ممكن الاستعانه بيها بالامس، خاصة ان رجليهم فى الملعب، وكانوا بيلعبوا مع فرقهم وبيسجلوا اهداف.
سابعاً : اللى متضايق انه بيلعب فى الزمالك، وشايف انه اكبر من الزمالك، يتفضل يقول ويعلن، والاداره توافق على رحيله عادى، وليعلم الجميع ان مفيش حد اكبر من الكيان.
ثامناً : لسه برضة المشوار بدرى عليه، ومن رأينا المتواضع ان دا اسهل دورى ممكن الزمالك يأخده لو الزمالك عايز.
شارك برأيك .. رايك يهمنا ...
