انتقد الاعلامى أحمد شوبير ، أحمد بلال لاعب فريق الاهلى الاسبق، بسبب تصريحاته المثيره للجدل ضد مصطفى محمد.
مصطفي محمد مهاجم فريق الزمالك المنتقل حديثاً الى جالطه سراى التركى على سبيل الاعاره لموسم ونصف.
وطالب شوبير بلال فى تصريحاته: بدعم ومساندة مصطفى محمد، قائلاً: مصطفى راكب قطر اكسبريس وجالطة سراى المحطة الأولى.
وتابع: أتمنى أن يصل للمحطة الأخيرة لأنه حتماً سيكون فى أفضل نادى وهو يستحق ذلك، وبلاش يا جماعة نغمة أهلى وزمالك مع المحترفين.
وأكد: لازم الكل يساند مصطفى لإنه بيمثل مصر وهيفيد منتخب مصر، أنا بحب أحمد بلال جدا وهو من الناس المؤدبين.
وأضاف: مينفعش يفضل يتكلم على مصطفى محمد كتير، لازم يا بلال تساند مصطفى محمد ومينفعش تقول معنديش وقت اتفرج عليه.
وواصل: لأ اتفرج عليه يا بلال لأن إنت لما كنت محترف فى تركيا كنا بنتفرج عليك وندعمك ونساندك، بعيداً عن بلال لأنه لا ينطبق عليه الكلام اللى هقوله ده.
وأكمل: فى ناس بقى واخدينها هزار عشان التريند ولازم نقولهم كفاية بقى كلامكو بقى بايخ وضحكنا عليه شوية بس خلاص الإفيهات بايتة وبوخت .
