رد الاعلامى ابراهيم فايق على اللاعب احمد بلال لاعب الأهلى بسبب انتقاد الأخير الدائم للاعب مصطفى محمد لاعب الزمالك المعار الى جالاطا سراى التركى.
وكان بلال قد كتب عبر تويتر قائلا: الاخ أ ف اللي بيقول. المفروض الحاقدين. والحاسدين لمصطفي يعتذرو انت تقصد جمهور الاهلي بكلامك ده وللا لمين. يا استاذ. ويرجع انسان يقولك التعصب. والله انتو سبب التعصب. منظومه الاعلام محتاج ترتقي اكتر من كده والله
ليقوم فايق بنسخ تلك التصريحات ويعلق عليها قائلا: انا فاضي ومعنديش حاجة اقولها شتمت مصطفى محمد بأمه وبقلل منه بسبب ومن غير سبب.. اعمل إيه لما حد ينتقدني؟! ايوه جمهور الاهلي استنجد بيه علشان انا في حرب.. قديمة اوي؟! لما تقول تصريحات خليك جدع كده واتحمل مسئوليتها متدخلش جمهور الاهلي اللي بيحترم اجتهاد مصطفى ونافر منك يا أخ / أ ب.
يذكر أن الكثير انتقد بلال بسبب زيادته فى انتقاد والهجوم على اللاعب مصطفى محمد منذ أن كان يقود هجوم الزمالك.
