حرص المستشار عماد عبد العزيز رئيس نادي الزمالك، على التعليق على مباراة الفريق الكروي الأول أمام الترجي الرياضي التونسي، في اللقاء التي يجمع بين الفريقان يوم السبت المقبل ضمن منافسات بطولة الدوري العام.
وقال رئيس الزمالك : احنا دعمنا اللعيبة و التعادل مش نهاية المطاف كل الفرق بتتعثر وتكسب والدوري لسه طويل واحنا لسه الاول احنا في ضهرهم ولازم نوصلهم ده ومفيش تخاذل ولا في دماغهم الكلام ده.
وأضاف : لما تشوف عدد الفرص اللي ضاعت اخر ٣ مباريات تونغيث ومولودية الجزائر ووادي دجلة احنا بنوصل كل دقيقه وده عدم توفيق مش تخاذل من اللعيبة واحنا في وراهم وبأكد على كده و بنوفر موارد ومبالغ ماليه قريب جدا اللي هنقدر نسدد بيها جزء من مستحقات اللاعبين.
وواصل : التجديدات شغالين فيها ولما ننتهي من التجديد لساسي او اللاعبين الاخرين هنعلن في وقت معين لكن لما ننتهي منها ان شاء الله
وأردف رئيس الزمالك حديثه : لا نعلق علي أداء التحكيم لينا الملعب ورجالتنا يلعبوا ومحدش يبص للتحكيم ، مبحبش اتكلم علي التحكيم في الدوري المصري او في إفريقيا وزي ما بطلب من اللاعب والمدرب يشوف شغله بطلب من الحكم يشوف شغله، انت قاضي في الملعب ولازم تحكم بالعدل.
وأتم : الزمالك مش محتاج الا العدل ممكن تشوف فريقتك بتلعب وتلاقي غلط بيأثر عليك ويضيع بطولة ويضيع تعب موسم كامل ارجوا العدل فقط لا غير.
