رفض اللاعب حازم امام ظهير أيمن الزمالك الاتهامات التى وجهها له الناقد الرياضى أبو المعاطى ذكى بأنه ألقى تيشرت الفريق فى وجه المدرب السابق باتشيكو
وجاء رد حازم امام قوى عبر انستجرام، حمل العديد من عبارات الهجوم تجاه أبو المعاطى.
وكتب حازم امام عبر انستجرام: أنا عارف إنه مش وقته خالص، بس الأشكال ديه لازم أرد عليها عشان لو ما فيش حد بيرد عليهم الكلام بيزيد بطريقة غريبة
وواصل: إنت قولت إنى رميت التيشيرت على مستر باتشيكو عشان كده مش بشارك طيب ما تخليك راجل.. وأنا عارف إنه مش طبعك واسأل انت ومستر باتشيكو موجود فى مصر لسه مسافرش واسأله حازم عمل أى مشكلة فى الفريق مع أى حد مش معاك شخصيا وشوف الرد.. وليه إدارة النادى يا سابق عصرك معملتش أى عقوبة عليا لو حصل مشكلة.. بس يا ريت لما تسأل وتعرف تيجى تعتذر وتبقى راجل مش كعادتك يعنى".
وتابع: "يا ريت كابتن أشرف قاسم يبقى يرد عليك وأنا عارف إنه مشغول طبعا بأمور أهم من إنه يرد عليك ولكن عشان الناس تعرف إنك كذاب ولازم سيرة النادى تتجاب بطريقة وحشة وإن الدنيا كلها مشاكل عندنا".
وواصل الزمالك تدريبات اليوم استعدادا لمواجهه الترجى التونسى فى الجولة الرابعة من دورى المجموعات لدورى أبطال أفريقيا الثلاثاء القادم.
