علق تامر عبد الحميد نجم الزمالك الاسبق، على ما حدث للنادى بالامس، من قرارات تم إتخاذها ضد فريق السلة، بعد أزمة مباراة القمة فى دورى السلة.
تامر وعبر قناتة على اليوتيوب قال : من امتى الزمالك خسر قضية وتعرض لظلم واتشال عنه الظلم ده؟.
ومن إمتى إنت كزملكاوى عبرت عن غضبك وخت حقك.
وواصل : منعرفش نكبر دماغنا وخلاص لأن مفيش فايده محدش هيقف جنبك او يساعدك.
وأضاف : الجماهير هتقولى فين رموز النادي هقولهم ريح دماغك محدش هيقف معاك وكل واحد مشغول بالدنيا بتاعته وانا منهم واولهم.
وتحدث بنبرة حزن قائلاً : شجع الزمالك ومتطلبش بحقك لأن مفيش جديد المطلوب تبقى زملكاوي بالاسم، وخلاص.
وتابع : اقصى حاجة عملها لنا الوزير قال للجمهور متزعلوش.
وختم تصريحاته قائلاً : من رأيي اننا نحل المشاكل جوة الناس ونرد جوة الملعب، اما برة الملعب فدة قدرنا وبيطلعوا يتهمونا بحاجات احنا ملناش فيها، وعايز اقولكم فى النهاية مفيش فايدة.