تحدث مصطفى محمد، مهاجم نادى الزمالك، والمعار الى جالاطا سراى التركى، عن كواليس عودته للزمالك بعد انتهاء فترة إعارته من طلائع الجيش.
وفى تصريحات تلفزيوينه له بالامس قال مصطفى : مكنتش راجع الزمالك بعد انتهاء إعارتى لطلائع الجيش، الإدارة مكنتش عايزانى وجروس مكنش عايزننى أرجع، لأن كان فيه مهاجمين أخرين فى الفريق.
وإستكمل توضيحه : كنت هموت وارجع الزمالك، وكانوا عايزنى أروح إعارة للإسماعيلى فى صفقة تبادلية مع محمد عواد، ولكن كنت حابب اعود للزمالك.
وواصل : قلت لادارة النادى، ياما أرجع للزمالك أو تبيعونى نهائى.
وإستطرد : قعدت مع مسئولى الإسماعيلى وكانوا عايزينى إعارة سنتين ورفضت وقلت لهم إعارة سنة واحدة.
وأضاف : مرتضى منصور رفض وقالهم هو مكمل فى الزمالك ورفض فكرة الإعارة،
وتابع : أمير مرتضى واحمد مرتضى كلمونى وقالوا لى، انت رجعت الزمالك، وعايزينك تثبت نفسك.
وأكمل : رجعت لعبت وأول ماتشين فى بطولة أفريقيا جبت 3 أهداف وبعدها تألقت مع الفريق والحمد لله.
