حرص محمود فلفل حارس مرمى الفريق الأول لكرة اليد على توجيه رسالة خاصة، وشكر لجماهير النادي عقب التتويج ببطولة الدوري بشكل رسمي.
وقال "فلفل" عبر حسابه الرسمي بموقع التواصل الاجتماعي "فيسبوك" : بعد نهاية الموسم رسميًا الحمد لله على الدورى بتاع السنة الى فاتت والسنادى.
وأضاف : في البداية احب اشكر كل اللاعيبة الرجالة على اداءهم وانهم استحملوا كل الظروف الصعبة اللى مرينا بيها وبجد دي من اكتر البطولات المهمة والصعبة بنسبة للفريق كله وبنسبالى انا شخصيا نظرا للظروف الشخصية اللى مريت بيها فى تعب ريان ابني بس الحمدلله علي كرم ربنا.
وواصل: بجد اتمنى استمرار الجيل العظيم ده الى ليا الشرف اني فرد فيه وتحقيق بطولات وانجازات اكتر
شكرا لكل فرد ساعدنا اننا نحقق درع الدورى من محمد وأدهم مسؤلين اوضة اللبس للجهاز الفني والطبي والادارى.
وأتم : الشكر الخاص والاهم لجمهور الزمالك العظيم الى دايماً في ضهرنا ودايماً واثق فينا وبنوعدكم اننا هنحاول علي
قد ما نقدر ان الفريق ده يكمل ويفرحكم دايما
