|
إستضاف الإعلامى خالد الغندور فى برنامج " الرياضة اليوم "
على قناة دريم 1, لاعب الزمالك الصاعد محمد إبراهيم, وتلخص حواره فيما يلى:-
- حسام حسن نقلة فى حياتى, لإنى كنت فى وضع معين مع فرق الناشئين, وهو ودانى دنيا مختلفة تماماً مع الفريق الأول .
- أنا مش مغرور, بس اللاعيبة المهارى مبيحبش يترقص أو يخسر, وده اللى بيخلى الناس تفتكر عنى كده .
- فييرا مدرب بيحب شغله بيعرف إزاى يطلع اللاعيبة من الضغوط, وكان جابلنا هدايا ليلة ماتش الأهلى, بيتكلم مع اللاعيبة وبيوجههم كتير, ولو الناس صبرت عليه هيلاقوا فرقة تانية فى الدورى .
- ماركو كويس جداً وكل يوم بيعملنا تمرين مختلف عن اللى قبله, بيخلينا منزهقش وبنطلع من التدريب فريش .
- مش كل النتائج سببها الفلوس, كان فى مشاكل فى الإعداد واللياقة, الزمالك عنده أبرز لاعيبة فى أفريقيا وأما دخلنا معسكر قوى فى أكتوبر, إنعكس على مستوى الفرقة فى ماتش الأهلى .
- إتظلمت إنى مروحتش الأوليمبياد, خصوصاً إن كلام الجهاز الفنى للمنتخب معايا إنى موجود لحد مافوجئت بالقائمة, لكن مستوايا مع الزمالك الفترة الأخيرة, كأنى روحت لندن 2012 وأحسن كمان .
- كلنا سن واحد وبنحب بعض, والفرقة دى إحساسى إنها الفترة الجاية هتعدى أى حد, وأتمنى نجيب بطولة .
- أنا عاذر الجمهور فى أى حاجة, إلا إنهم يشتموا لاعيب لإنه بيمثل النادى وأنا مبروحش ألعب ماتش عشان
أتشتم, وفى النهاية دى رياضة .
- حبيت الزمالك لدرجة إنى مبقتش أشوف حاجة غيره, والنادى ده طلع أحسن لاعيبة فى أفريقيا .
- الجمهور صبر كتير, لكن بقوله يصبر علينا شوية كمان, وياريت بلاش شتيمة لإنها بتأثر على اللاعيب جوه وبره الملعب, وميخلوش اللاعيبة من كتر حبها للنادى تكرهه, وبنوعدهم ببطولة .
شاهد الفيديوهات
|
