حرص تامر عبد الحميد الشهير بـ"دونجا" لاعب نادي الزمالك السابق، التعليق على العقوبات الصادرة من لجنة المسابقات باتحاد الكرة المصري بشأن مباراة القمة بين الأهلي والزمالك.
وقال "دونجا" عبر حسابه الرسمي بموقع التواصل الاجتماعي "فيسبوك" : اللى أنا شايفه . دائماً شيكابالا بيكون رد فعل مش فعل .وكل واحد فينا له شخصيه وشخصية شيكابالا سهله جداً انك تخرجه عن شعوره وسهل يتنرفز وممكن يغلط.
وأضاف: بس السؤال هنا ايه كمية الكره والغل ده من جماهير الاهلى ل شيكابالا وتحس ان المنافس للنادى الاهلى هو شيكابالا . واللى انا شايفه بردو ان جماهير الأهلى اللى دائماً متعمدة تخرجه عن شعوره بأى اسلوب.
وواصل : واحد هيطلع ويقول دائماً الجماهير بتشتم اللاعيبه . صح بس مش بالشكل ده يا جماعه كده كتيير فعلاً.. موضوع شيكابالا نوع من انواع التعصب بين جماهير الاهلى والزمالك.
وأتم : جماهير الزمالك بتعتبر نفسها شيكابالا ولازم ترد وتدافع وتهاجم كمان .. مسلسل وعرض مستمر بين جماهير الاهلى وشيكابالا طب اخرتها ايه مش عارف .
