كشف المهندس خالد عبد العزيز وزير الشباب والرياضة السابق، حقيقة الإخبار المتداولة بشأن تخوفه من الدخول في انتخابات الزمالك المقرر لها في خلال الشهور المقبلة.
وقال ِ"عبد العزيز" في تصريحات zamalektoday : بمنتهى الأمانة أنا مش خايف من خسارة انتخابات الزمالك ، ممكن أنزل وأخسر، أعظم شخصيتين كابتن حمادة أمام وكابتن صالح سليم لم يوفقوا في الانتخابات سواء الزمالك أو الأهلي.
وأضاف : أنا ما أعلنتش حتى الآن نزولي للانتخابات، فكرة إدارة النادي ووضع نظام معين أهم من الانتخابات، المشكلة الحقيقة، اقوم بدراسة الموضوعات بشكل جيد، لذلك أدرس ترشحي للانتخابات.
وواصل : في حاجات كتيرة جدا في الزمالك متغيرة لا الوضع المالي كويس أو اللائحة معروفة بالإضافة للوضع الإداري والاقتصادي معنديش كافة التفاصيل.
وأكمل : لازم أدرس كل ده دراسة جيدة لاعلان ترشحي بشكل رسمي، وهل الوضع الحالي لمصر في ظروف كورونا متاحة لاقامة انتخابات، أمور كتيرة جدا محتاجة تكون واضحة لإعلان ترشحي بشكل رسمي.. أنا مش خايف زيي ما الناس بتقول عادي أتقدم بترشحي ولم أوفق.
وأتم وزير الشباب والرياضة السابق حديثه : في حاجات أساسية لازم أفكر فيها الأول ، وبعدين أفكر أزاي انجح في الانتخابات وأزاي اقنع أعضاء الجميع العمومية في انتخابي، لكن الظروف والعوامل الاساسية اللي ذكرتها هي العامل الأساسي.. أنا دخلت انتخابات كتيرة والحمد لله ربنا كرمني، علشان أعرف ادرس الامور بشكل كويس محتاج على الأقل شهر ونصف قبل الاعلان بشكل رسمي.
