حرص دكتور مدحت العدل الكاتب الزملكاوي المعروف، التعليق على نظرية المؤامرة وتعامل الاعلام المصري مع مشاكل القلعة البيضاء.
قال "العدل" في تصريحات zamalektoday.com : الاعلام فضل يروج أن جماهير الأهلي 70 مليون مشجع، بالتالي بيتم تصدير أن الجماهير الأهلي لازم تكون مبسوطة علشان هي الاغلابية.
وأضاف : الزمالك أول من طلب بشركة كرة، والأهلي قام بتنفيذ ذلك، وتم الاعتماد على رجال الأعمال، وفي خالة موافقة وزارة الشباب والرياضة على شركة الزمالك سأقوم بترشيح رجال أعمال كبار زملكاوية متواجدين في مصر، وهذا وعد مني وستكون مثال للشركات.
وواصل : لازم اي لجنة تيجي تسدد المستحقات المتأخرة للاعبين وللجهاز الفني والإداري وجميع مستحقات الفريق الكروي والعاب الصالات، حتى يتم الوقوف على رجلك بشكل كويس.
وأكمل : جمهور الزمالك جميل ومابينساش حد ولا بينسى تصريح سابق لحد، لكن الجمهور ملهوش حق الانتخاب، وأقسم بالله لو في شخص أفضل مني بمنصب في الزمالك هرشحه وادعمه أنا مش جاي اتخانق على كراسي أنا هعمل كدة علشان جمهور الزمالك.
وعن نظرية حقيقة وجود مؤامرة علي الزمالك قال : اللي بيقولك جماهير الزمالك عندها مؤامرة، لان أحنا مش مجانين أحنا أحسن ناس بتعرف تشجع كرة، أحنا بنقول حقائق اتحاد الكرة كله أهلاوي والإعلام أهلاوي، جمهور الزمالك مش مريض نفسي، ده يقول الحقيقة.
وأتم : بيع مصطفى محمد مهاجم مصر الأول كارثة كبيرة، وكل قرارات اللجنة غلط وتخبط إداري، اتحاد الكرة مش حاطت جمهور الزمالك في الحسبان أساسا، أنا بتكلم عن واقع مش هنضحك على بعض.
