|
إستضاف الإعلامى مدحت شلبى فى برنامج " مساء الأنوار " على
قناة مودرن سبورت, المستشار أحمد جلال إبراهيم عضو مجلس إدارة نادى الزمالك, وجاءت أبرز نقاط الحوار كالتالى:-
- الجمعية العمومية كانت محترمة وتليق بإسم نادى الزمالك .. وأى مجلس إدارة من غيرهم مالوش لازمة .
- أبرز الإعتراضات كانت على الميزانية وبعض الأمور لم تتحقق فى البرنامج الإنتخابى, لكن إنعقاد الجمعية العمومية لم أسرة نادى الزمالك .
- المعارضة تحترم وبتكمل مجلس الإدارة, والجمعية العمومية ليها وجهة نظر والمفروض نستمع ليهم ونشوف مطالبهم, لإن العناد مش هيوصل لحاجة .
- حصل إعتراض على المستشار سامر أبو الخير لإن حصل سوء تفاهم, الناس فهمت إنه هيتكلم بالنيابة عنهم لكن الحقيقة إنه كان بيتلقى أسئلتهم, عشان يعرضها على مجلس الإدارة .
- د.مدحت السيد مدير هيئة الشباب والرياضة عرض الموافقة على الميزانية مع عرضها على الجهاز المركزى للمحاسبات, رغم إن ده مينفعش بعد ما تعتمدها الجمعية العمومية, وإحنا كنا واضحين من البداية وقولنا إن فى عجز محاولناش نجيب ناس تهتف لنا .
- نظام التصويت على الجمعية العمومية لازم يكون بالصناديق لفرض المزيد من الشفافية .
- كنت عاوز أسمع الناس وأتناقش معاهم لكن مقدرتش, وده بسبب التدافع على المنصة وإن كل واحد عاوز يتكلم, وخوفنا نفرض النظام عشان ميتقالش إننا بنعمل سطوة على الجمعية العمومية .
- الميزانية تضمنت جزء من مديونيات ممدوح عباس, لكنه إتنازل عن بعضها وهو أساساً مبيتكلمش فيها .
- معتقدش إن روكسان حلمى وعمرو الجناينى هيرجعوا تانى, كنت بتشرف بوجودهم ودورهم كان كبير فى مجلس الإدارة .
- إختلافات ممدوح عباس ورؤوف جاسر مجرد تعارض فى وجهات النظر, لكن الإعلام بيضخم الأمور .
- الدور الأول من المبنى الإجتماعى إكتمل وهنبدأ فى الثانى, المجلس وافق على الجيمانزيوم اللى هيعمله هانى العتال وبتابعه معاه يومياً, إبتدينا نعمل إضاءة فى حمام السباحة وتسخين للميه .
- مشاكل كرة القدم طبيعية لتغيير الأجهزة الفنية وتوقف النشاط, لكن إحنا بنحاول نوفرلهم كل حاجة, وهما عندهم معسكر فى الكويت وأسبانيا وإتفقنا عليهم قبل مانجيب لجنة الكابتن حماده إمام, وبعد ما إتشكلت أحالنا ملف المعسكرين ليهم .
- عندنا أمل فى فييرا لإنه ظهر بشكل مشرف أدام الأهلى وواضح إن اللاعيبة بتحبه, ولجنة الكرة بتتابع معاه على طول .
- فى مخاطبات مستمرة مع من ممدوح عباس ولجنة الكرة مع الإتحاد, عشان نحل أزمة قيد أحمد مجدى, وفى محاولات لحل أزمة مستحقات اللاعيبة القدامى بشكل ودى .
- أيمن يونس تولى ملف ملاعب الناشئين, عشان يقدر يعمل طفرة الفترة اللى جاية, ومجلس الإدارة شال إيده من كرة القدم تماماً .
- الجمهور ليه حق يزعل من النتائج, حصل بعض سوء تفاهم بين الوايت نايتس وبعض أعضاء المجلس, لكن هيتم الإجتماع بقياداتهم الفترة اللى جاية, دخول الإستاد من غيرهم " مؤلم " .
- وقفة أحمد حسن وأيمن عبد العزيز بكرة لإستئناف النشاط خطوة كويسة, لإنى إزاى هدير نادى رياضى من غير مايكون فى كورة ؟! .
- الطائرة فريق رجالة لكن إحنا صرفنا جزء من مستحقاتهم مع الهاندبول, اللى زعل ممدوح عباس إمتناعهم عن التدريب جوه النادى, والإبن المفروض ميخرجش من البيت لو الأب تعثر, وهما هيلعبوا كأس العالم وفى إنفراجة قريبة إن شاء الله بمساعدة من على السرجانى رئيس إتحاد اللعبة, بإعتبارة من أبناء نادى الزمالك .
- بشكر الجمعية العمومية كانوا واجهة مشرفة سواء مؤيدين أو معارضين, وإحنا كلنا أسرة واحدة فى نادى الزمالك .
شاهد الفيديوهات
|
