حرص أحمد حجازي مدافع المنتخب الاولمبي، توجيه رسالة للاعبين عقب خسارة اليوم السبت أمام البرازيل ضمن منافسات دور ربع النهائي لبطولة طوكيو 2020.
وقال "حجازي" للاعبي المنتخب : اتمنى محدش يكون زعلان مني، لو كنت مضايق أو بتكلم بشدة، أنا أسف وبعتذر للجميع، مكنتش أقصد ازعل أي لاعب.
وأضاف : نحافظ على بعض وننسى أي مشكلة، أحنا اللي هتفضل لبعض وهنتقابل تاني، وأنا فخور أني اشتركت معاكم في بطولة كبيرة، وأنا وعد رمضان صبحي أنه هيكون كابتن الفريق في حالة الصعود من دور المجموعات وبالفعل نفذت كلامي.
وأتم حجازي حديثه : بشكر محمود الونش ومحمد الشناوي، كان ليهم دور كبير جداً مع المنتخب الاولمبي، وكنا بنتكلم مع بعض وإذا نحاول نجمع اللاعيبه، والحمد لله على كل شئ.
