علق أحمد عيد عبد الملك نجم الزمالك السابق على تصريح أحمد حسام ميدو الذى انتقد فيه ما بدر من مجلة الزمالك مؤخرا فى عددها الأخير.
كان ميدو قد خرج عبر تويتر قائلا: ما صدر من مجلة الزمالك في عددها الاخير لا يعبر عن قيم نادي الزمالك..مجلس إدارة الزمالك سيعتذر عن هذه التفاهات وسيتم معاقبة المخطئ..يجب ان يبعد المسؤولين في الناديين إبعاد أي شخص يشعل الفتنه في الوقت الحالي..يجب أن نلعب كرة قدم فقط ونستمتع بها..لا مجال للفتنه الأن!!
ليرد أحمد عيد عبد الملك "فى اشارة الى سيد عبد الحفيظ مدير الكرة فى الأهلى" قائلا: يا نجم انت اشادت الاسبوع الي فات بواحد قعد يغلط في المنظومة كلها و يلقح علي الزمالك و يقولك ضربات الجزاء و الحكام و قولت ده شغله و هو ده الصح غير قبل كدة كل اسبوع كان في تهكم منه علي الناس كلها !!
ويستقبل ميدو رد أحمد عيد عبد الملك برد أخر قائلا: انا ما اشدتش بيه انا قولت ان هو متمرس في اللعبه دي ولازم مانتجرش وراه علشان هو عايز كده وعايز يا خدنا في ملعبه وده اللي نجح فيه السنه اللي فاتت..في فرق ما بين ان واحد بيضغط على الحكام حتى لو انا مش مع اسلوبه وفي فرق ان الجريده الرسميه بتاعة النادي تسخن اتحاد الكوره علينا
وتابع ميدو رده: ده الرد الرسمي من النادي يا احمد في نفس سياق الكلام اللي انا كتبته والنهارده هتطلع قرارات ضد من وراء هذا العدد..الكلام اللي بكتبه بكتبه بناء على معلومات!! لو الكبار انساقوا ورا الصغار الدنيا هتروح في داهية
ويرد أحمد عيد عبد الملك قائلا: ايوة ما هو بيضغط و بيغلط في نفس الوقت و مفيش محاسبة من حد و لا حد بينتقده و ده قصدي و اتحتد الكرة عمله تحقيق دقيقة و نص و روح و مواقع كبير كدبت الي الناس سمعته باعتذار بردو !!
كان نادى الزمالك قد أصدر بيان رفض فيه ما خرج عبر صفحات المجلة مؤخرا وقرر ايقاف النسخ الورقية وايقاف مدير المجلة.