سبق وحذر الزمالك اليوم من تاخر التفاوض مع صفقات الموسم الجديد بالنسبة لنادى الزمالك.
وسبق وقولنا وتحدثنا ان الدوريات فى العالم كله انتهت بما فيها الدوريات العربية والافريقيه، وان كل نادى الان يجهز صفقاته للموسم الجديد.
وسبق وقولنا ان العيب عندنا احنا بس فى الكرة المصرية، وكل الاندية العربية والافريقيه، بدات فى تدعيم صفوفها باللاعبين المميزين.
وحذرنا هنا من هذا المنبر، وتحدثنا باللغة العامية، وقولنا، اللاعيبة الكويسه مش هتستنى الموسم فى مصر يخلص علشان التعاقدات، ولازم نحسم الامر من دلوقتى، قولنا الكلام دا من اكثر من 20 يوم.
وقولنا وقتها ان الصفقات المحلية ممكن تستنى، لكن دلوقتى بنقول لا ، حتى المميز مش هيستنى لان في منافسين عايزين يخطفوا أحسن لاعيبه موجوده.
المطلوب التحرك من الان، وانهاء الصفقات الاجنبية بصورة سريعه بالتنسيق مع الفرنسي، وعدم الانتظار حتى نهاية الدورى.
وعلى نفس الخط نتفاوض مع الصفقات المحلية، وفى اعتقادنا المتواضع ان هذا لن يؤثر على مسيرة الفريق فى شيء فى المنافسة على بطولة الدورى العام.
