علق أمير مرتضى منصور المشرف العام السابق على الكرة فى نادى الزمالك على الموقف بشأن المدرب الفرنسى كارتيرون المدير الفنى للفريق.
أمير مرتضى منصور تحدث عقب عودة مجلس والده لادارة الزمالك قائلا: معندناش أي مشكلة مع كارتيرون وإحنا اللي جبناه أصلا ولا يوجد من أراد رحيله من الأساس فى الفترات الأولى.
ونفى تواجد أى نية للعناد مع أحد أو افتعال أزمات مع أحد مؤكدا على دعمه لكارتيرون ويجب أن يتم الغلق من جديد على الفريق.
وتابع قائلا: اللي حصل خلال السنة اللي فاتت مش هيتكرر ثاني والتصريحات الكثيرة في الاعلام، أنا دوري أوفر المناخ للكل يشتغل ونتصدى لأي حاجة تعطل الكلام ده
وواصل قائلا: إحنا لسه واصلين ولم نلتقى بأحد، وكارتيرون والفريق داخل في معسكر مغلق أصلا ومش هنقابل حد دلوقتي، إحنا هنشوف اللي الفريق محتاجه وهنعمله ومفيش حاجة اسمها مفيش مصري في الجهاز لإن في اساسيات لازم تكون موجودة.
واستكمل، لا يصح أن لا يتواجد سائق للاتوبيس، لو كده هنمشي الادارين وكل الناس وافضل اعمل كل حاجة لوحدي، إحنا لسه هنقعد معاه ونحتويه ونشوفه، وكل حاجة هتحصل بموافقته وأنا مش جاي اصطدم بيه
