علق دكتور محمد عيد طبيب الفريق الأول السابق بنادي الزمالك، على الأخبار المتداولة بشأن مصطفى فتحي نجم الفريق والمنتخب الوطني واقتراب رحيله عن صفوف القلعلة البيضاء.
وقال دكتور محمد عيد عبر حسابه الشخصي بموقع التواصل الاجتماعي فيس بوك :-
الناس اللي عمال تقطع في مصطفي فتحي ، من الناس اللي اتعاملت معاها عن قرب كابتن مصطفي فتحي.. مصطفي زملكاوي بيحب الزمالك اكتر من نص الجمهور اللي طالع يشتمه واكيد ما يعرفش حقيقة اللي بيحصل ولا احنا كمان نعرف
مصطفي لاعب في نادي الزمالك ينتهي عقده اخر المرسم ادارة الكورة في الزمالك عارفة كويس جدا هتقدر تعمل ايه مع اللاعب سواء هتبيع عقده او هتججدله وتطلعه اعارة او هتججدله ويكمل
وادارة الكورة الحالية مش هتدي لاعب اقل او اكتر من اللي هيستهاله، بس تخيل انت موظف في شركة عرفت في يوم وليلة ان الموظف الي تحت ايدك بياخد ٥ اضعاف مرتبك لا وموظف تاني مكتوب في عقده انه ياخد اعلي مرتب حتي اكتر من المدير
بدل ما تحاربوا مصطفي حاسبوا اللي خرب العقود.. دي وجهة نظر ، مصطفي مش من الناس اللي بتأجر ألسنة تدافع عنها وشخصيته مافيهاش الحتة دي عشان كده مش هتلاقي حد يدافع عنه كتير
