حرص شريف إكرامي حارس مرمى بيراميدز التعليق لأول مرة عن رحيله من صفوف الأهلي وطريقة تعامل وسائل الاعلام معه خلال الفترة الحالية.
أنا اتولدت في النادي الأهلي في الكورة .. معشتش النجومية عشان مشيت بدري واحترفت .. ومميزات خوض تجربة الاحتراف التأسيس من الناحية الفكرية، بالاضأفة شخصيتي فعملت اندماج مع بعض.
احنا معندناش نقد في مصر .. عندنا تطبيل وسخرية وشتيمة .. عندنا تطرف في الناحيتين ودي مش رياضة بأمانة.
ما اتأثرتش كرويا برحيلي عن الأهلي .. أنا بنزل الملعب مبشوفش إلا زمايلي والفريق المنافس .. السنة اللي فاتت كان عندي شعور غريب جدا لأني بلعب لأول مرة في حياتي قدام فريقي.
لما نزلت الملعب مكنش في خواطر لأني عايز بيراميدز يكسب وميدخلش فيا أجوال، أنا بحترم النادي للي أنا حاليا متواجد فيه.
اللي بيحبط إن قناة زي أون سبورتس بتنزل تقرير في لقطة ليا عليه موسيقى الكاميرا الخفية .. هل أنت بتمشي مع تيار السخرية؟ أنا لو مش موجود في التقرير رأيى هيكون هو هو برضه