علق الثنائى فاروق جعفر وأيمن يونس لاعبى الزمالك السابقين على تصريحات كارتيرون فى المؤتمر الصحفى بعد مباراة المحلة.
الثنائى وعبر تصريحات تلفزيونيه له فى قناة أون سبورت عقب المؤتمر قالوا :
فالبنسبة لفاروق جعفر وجه رساله لـ"كارتيرون" قائلاً : كل اللي أنت قولته في المؤتمر الصحفي مشاكله عندك أنت، في مدرب بيمنح اللاعبين 10 أيام وبعدين يقول العيب في اللاعبين.
وتابع : أطلع قول أنا غلط واتحمل المسئولية وأنا اللي وافق على رحيل فلان وأنا اللي قولت نبدء بفلان.
وواصل : كارتيرون لازم يتحاسب المشكلة فيه هو مش في لاعيبه، ومش هيفيد بحاجة لو المسئولين قعدوا معاه، مينفعش تقعد 3 مباريات وشباكك فيها 5 أهداف، أنت مدرب كويس بس زيي ما اللاعب بيستمر في الاداء أنت كمان تستمر.
أما أيمن يونس فعلق على تصريحات كارتيرون قائلاً :
كارتيرون حاول يكون مشاهد ويغلط اللاعيبه، لا أنت معاهم ومسئول عنهم وعايش مع الفريق مينفعش تكون متفرج أو مشاهد.
أنت عارف يعني أيه ياكارتيرون أن الزمالك مسجلش في البطولة، كارتيرون مينفعش يسلم اللاعيبه في مؤتمر صحفي بالشكل ده أنت مسئول معاهم مسئولية كاملة، حتى لو في غيابات 9 لاعبين، طيب والباقي أنت نادي الزمالك.
ووجه رساله للاعبى الزمالك : عيب ده نادي الزمالك، وبقول لمجلس الأدارة من حقك تعاقب اللاعبين، لتصحيح الطريق بس مندبحهمش نعاقبهم وبعدين نساندهم لاننا محتاجينهم.
أنا لو أقدر أنزل الملعب دلوقتي هموت نفسي، تيشرت الزمالك كبير ولازم يتم احترامه، عيب تنزل الملعب تخسر وتطلع فين الروح.
