رفض الناقد الرياضى خالد طلعت فكرة تاجيل مباراة الاهلى وبيراميدز فى بطولة الدورى العام.
هذه الفكرة التى يتم التلميح لها منذ أيام، عن طريق بالونات اختبار فى الاعلام، الا انها كلها فشلت حتى الان.
خالد طلعت وباحصائيه رقمية قارن بين موقف مشابه للزمالك منذ أيام قليله ليست بالبعيده، مؤكداً أنه لا معنى لتأجيل اللقاء.
وعبر صفحته الشخصية على موقع التواصل الاجتماعى فيس بوك كتب خالد طلعت :
الزمالك لعب مع بيترو أتليتكو يوم سبت في القاهرة وتعادل ، وبعدين سافر اسكندرية لعب مع سموحة الثلاثاء وخسر ، وبعدين سافر أنجولا لعب مع ساجرادا يوم السبت وتعادل وبالتالي تضرر محليا وأفريقيا.
الأهلي لعب مع المريخ يوم السبت في القاهرة ، والمفروض يلعب مع بيراميدز يوم الثلاثاء في القاهرة برضه يعني مش هيسافر زي الزمالك ، وبعد كده يسافر جنوب افريقيا يلاعب صن داونز السبت.
الظروف واحدة بالعكس الاهلي ظروفه أحسن لانه مش هيسافر داخليا زي الزمالك، وبالتالي لازم ماتش الأهلي وبيراميدز يتلعب في معاده.
واتم : أي تأجيل للماتش ده معناه مساندة من اتحاد الكرة ورابطة الأندية للأهلي محليا وأفريقيا كمان ، ومعناه ظلم للزمالك محليا وأفريقيا.
