علق المحلل الرياضي تامر صقر على فكرة تواجد عبد الله السعيد أساسيا في مباريات الزمالك مع وجود الثنائي الشاب محمد حمد وأحمد صفوت
كتب تامر صقر من خلال حسابه على موقع التواصل الاجتماعي فيسبوك تحدث قائلاً نصا:
أنا مش ضد إن عبدالله السعيد يبدأ في بعض المباريات، بالعكس فيه ماتشات بتحتاج خبرته وطريقة لعبه، لكن ده مينفعش يكون على حساب وجود حمد وأحمد صفوت في قائمة الفريق باستمرار.. حتى لو مش هيبدأوا أساسي، لازم يبقوا على الدكة وجاهزين للمشاركة.
محمد حمد تحديداً بقى من اللعيبة اللي صعب تستغنى عنها، عنده شخصية وجرأة وبيقدر يعمل الفارق، أما أحمد صفوت فمستواه في الفترة الأخيرة مبشر جداً، وبيأكد إنه يستحق فرص أكتر.. ودي عناصر محتاجة تحس إن ليها مكان حقيقي في حسابات الجهاز الفني.
الزمالك مش كل مباراة هيلعب بنفس الظروف أو بنفس الاحتياجات، لكن وجود المواهب دي بيديك حلول مختلفة وبيساعدك تبني للمستقبل.. حمد وصفوت لازم يكونوا جزء ثابت من الفريق، والفرصة الحقيقية هي اللي هتحدد حجم الإضافة اللي يقدروا يقدموها.
