كشف الناقد الرياضى والمحلل خالد طلعت جمهور الأهلى بمعلومات وبوستات خاطئة قبل مواجهه الأهلى اليوم القوية امام بيراميدز.
خالد طلعت وعبر حسابه على موقع التواصل الاجتماعى فيس بوك حرص على توضيح تلك النقطة وتحدث قائلا:
فيه بوست غلط متداول على صفحات ومواقع الأهلي وبعض الصحفيين ، بخصوص المواجهات المباشرة بين الأهلي وبيراميدز
للأسف الناس دي بتغالط نفسها وحاطين فيه مواجهات الأهلي مع الأسيوطي ، وطبعا ده مزود 3 انتصارات للأهلي وكمان البجاحة انهم حاطين ان اكبر نتيجة بين الاهلي وبيراميدز فوز الأهلي 5-0 وده طبعا مش صح وتزوير للتاريخ لأن ساعتها الأهلي كسب الأسيوطي مش بيراميدز
مينفعش ماتشات الأسيوطي تتحط مع بيراميدز لأن ده كيان وده كيان تاني ، بيراميدز اشترى الاسيوطي وغيره تماما وغير اسمه ومكانه وملعبه وادارته وجهازه الفني والاداري ولاعبيه زي بالظبط فيوتشر ما عمل مع كوكاكولا
مينفعش منشية سمنود يطلع يقول انا كسبت فيوتشر في كأس مصر في سبتمبر 2017 لأنه ساعتها كسب كوكاكولا مكسبش فيوتشر
فيه فرق بين لما تغير اسم الفريق بس زي ما حصل في الشرقية للدخان وايسترن كومباني أو الزمالك وفاروق والمختلط، ويفضل نفس الكيان ، أو تغير النادي بالكامل زي الاسيوطي وبيراميدز وزي كوكاكولا وفيوتشر
المواجهات المباشرة بين الأهلي وبيراميدز هما 7 مواجهات بس مش 12، 3 فوز لبيراميدز 3 تعادل وفوز وحيد للأهلي وبيراميدز سجل 7 أهداف والأهلي سجل 5
