علق الإعلامي سيف زاهر، على حالة الهجوم العنيف التى تعرض ويتعرض لها محمود عبد الرازق شيكابالا لاعب الفريق الاول لكرة القدم بالنادى، بعد مباراة السوبر المصرى الاخيره التى أقيمت فى الامارات.
وبعد المباراة وعلى الرغم من أن الزمالك خسر اللقب، ذهب شيكابالا الى مؤمن زكريا وجاء به لحضور مراسم تسليم الميداليات، وهو ما جعل بعض ضعاف النفوس يتهمون شيكابالا بأنه يريد أن يأخذ "اللقطة".
سيف زاهر وعبر برنامجه التلفزيونى قال : الناس بتهاجم شيكابالا وبتقول أنه عايز يأخد اللقطة، هو وسيد عبد الحفيظ مع مؤمن زكريا.
يا جماعة مكنش فيه كاميرات علشان حد يأخد لقطة، الكاميرا كانت موجوده على المنصه، شيكابالا مكنش عايز يأخد لقطة.. المشهد اللى شوفناه دا عظيم وانا بعتبره تاريخى من نجم كبير زى شيكابالا.
الناس دى من جواها بيعملوا حاجة عظيمة مش هدفهم لقطة مع مؤم زكريا، وخاصةً شيكابالا اللى على الرغم من خسارة فريقة فكر فى مؤمن وراح علشان يجيبه.
ما حدث أكبر دليل على اننا فى مش فى حرب وأن الجميع فى الوسط الرياضى أخوات خارج وداخل المستطيل الاخضر.
