أزمة شيكابالا مع نادى سبورتنج لشبونة البرتغالى، هذه الازمة التى بدأ الحديث عنها وبدا تظهر على السطح لانها ستهدد قيد صفقات الزمالك الجديدة، فى حال لم يتم السداد.
هذه الازمة قد يكون الكثير يعلمها بصورة سريعة دون التفاصيل، الزمالك اليوم يقدم لكم بعض تفاصيل الحكاية، والقصة ومافيها.
شيكابالا انتقل الى سبورتنج لشبونة من الزمالك بعد ضغط كبير منه، للرحيل وقتها بعقد غريب وعجيب، مقابل 100 الف دولار عن كل موسم لـ شيكابالا مع سبورتنج.. ودى حاجة مش مفهومة.
فى هذا التوقيت رحل شيكابالا ولم يكمل موسم واحد تقريباً مع فريقة البرتغالى الجديد، وعاد الى مصر واختفى عن الانظار، وظل النادى البرتغالى يبحث عنه وقتها.
الزماكل فى هذا التوقيت اشترى اللاعب من سبورتنج لشبونة بمبلغ 650 الف دولار على عدة أقساط، ودفع الزمالك وقتها 250 الف دولار، وهذا هو كل ما تم دفعه فى هذا الملف.
بالنسبة للنادى البرتغالى الامر كان استثمار من وقتها الى الان، لاعب كل اللى اندفع فيه 100 الف دولار، ولحد دلوقتى بيجيب فلوس ليهم.
تبقى مبلغ 400 الف دولار ووضع النادى البرتغالى فى العقد بند غرامة تأخير على نادى الزمالك عن الـ 400 الف دولار.
النادى البرتغالى فضل يرفع قضايا على الزمالك فى الاتحاد الدولى لحد ما المبلغ وصل 800 الف دولار، ودا تقريباً لحد 2015.
من وقتها والنادى البرتغالى بيرفع قضايا على الزمالك وبيكسبها لحد المبلغ دلوقتى ما وصل تقريبا مليون ونصف المليون دولار، دا طبعا غير الـ 250 الف اللى فى الاول.
المهم فى القصة انه اتقال ان شيكابالا لعب مواسم كتير تقريباً ببلاش علشان يسدد الغرامة دى، والغرامة متسددش، والاهم ان محدش فاهم حاجة.
كل المفهوم ان النادى البرتغالى كسب من وراء الزمالك مبالغ كتير أوى.
علشان كدا الزمالك اليوم منذ شهور وهو ينادى بتسديد غرامات وديون الزمالك فى الفيفا وفى كل مكان، لانه طالما بقى الدين طالما بقى العجز، طالما بقى الانهيار
