علق العامرى فاروق نائب رئيس النادى الاهلى، على الموقف الحالى الخاص بغرامة لاعب الزمالك السابق الهارب محمود كهربا لاعب النادى الاهلى الحالى.
هذه الغرامة التى سيدفعها كهربا فى كل الاحوال، بسبب هروبة من نادى الزمالك الى الدورى البرتغالى كـ كوبرى للنادى الاهلى.
العامرى فاروق وفى تصريحات تلفزيونيه له منذ ساعات قال : عايز الجماهير تطمن بخصوص كهربا احنا مش هنسيبه لوحده.
وواصل : احنا واقفين معاه وهنفضل نقف معاه، لحد ما الازمة تخلص، وان شاء الله قريباً جداً هتخلص وتنتهى لان كهربا لاعب كبير ومهم عندنا.
وتبقى كلمة على ذكر هذا الخبر : عدد من الاصدقاء من المنتمين للنادى الاهلى ومن اعضاء النادى الاهلى دائماً يعترضون فى حديثهم معى على الجملة الابدية لنا وهى جملة ""هروبة من نادى الزمالك الى الدورى البرتغالى كـ كوبرى للنادى الاهلى"".
ودائماً الرد السهل : هو ليه الحقيقة بتزعل يا جماعة، دا احنا ملف كهربا لو حبينا نتكلم فيه، مش عايز مقال ولا اتنين ولا عشر مقالات، عايز سلسلة مقالات، وأنتم زعلانين من جملة.
