وجه الكاتب الصحفي عماد دربالة رسالة هامة الى الزمالك بشأن الصفقات الجديدة.
حيث حرص على الحديث عن وجهة نظره بشأن مصير تلك الصفقات المحتملة والقادمة للزمالك.
وكتب عماد دربالة عبر حسابه على موقع التواصل الاجتماعي فيسبوك قائلا:
يا زمالكاويه نركز شويه فى الصفقات لو عاوزين نعدل المسار
الحراس صبحى وعواد وتصعيد حارس تالت من القطاع
وتابع: باك رايت احمد عيد وياسلام لو نجيب عمر كمال ونصعد واحد من القطاع وشكرا مثلوثى
المساكين الونش علاء وعبدالمجيد ومحمد طارق .. شبانه وزنارى ياخدوا فرصه زياده .. عبدالغنى يفضل لانه هينفعنا فى الدفندر وبيلعبها كويس وهو الوحيد فى المساكين اللى بيلعب فى مركزين
الباك لفت فتوح وسكر رغم عدم اقتناعى بيه بس ناشيء ونحاول نلاقى بديل محلى كويس وشكرا عبدالله جمعه المستكين اللى مش عاوز يطور نفسه
واستكمل الدفندرات نستقتل على طارق وامام ويحي جبران ورابعهم عبدالغنى لو اضطرينا وبرشحلكم حسون لاعب طنطا عالمى والباقيين شكرا ونرجع حمدى علاء.
الاجنحه نيمار شيكا زيزو شلبى اللى بدأ يفوق ونحاول نجيب جناح اجنبى او احمد رفعت وياسلام لو نرجع مصطفى فتحى
وواصل: سيف جعفر لازم يكمل ونحاول مع ناصر ماهر وشكرا بلحاج.
المهاجمين الاتنين سامسون نرجعه توكيل سامسونج ونداى اعاره يمكن يفوق ونسوق الجزيرى.نحاول نجيب اتنين افارقه سفاحين حاجه كدا شبه سامبو وايبوكا مع ناصر منسي واسامه فيصل.
نجيب اتنين افارقه تحت السن فى اى مراكز ناقصه.
واختتم: كدا عندك فى كل مركز اكتر من بديل وصعدنا ناشئين وسوقنا الخمسه الاجانب.
اعتقد دول افضل اختيارات متاحه انما تقولى ارجع اوباما واجدد لمثلوثى وجزيرى واجيب 5 صفقات بس نبقى بنهزر ونخدع جماهير الزمالك.لو عندك اقتراح مختلف او معترض على حد من الاسماء دى نتناقش.انما تشتم هعصرك انزل منك بلوكات
زمالكاوى وافتخر
