شن مرتضى منصور هجوم على محمد بيومي خبير اللوائح والقوانين الرياضية الدوليه، بعد حديثه عن ملف محمود كهربا والغرامة الموقعه على اللاعب لصالح الزمالك.
محمد بيومى خرج بتصريحات قال فيها أن الزمالك لم يقم بشكوى كهربا فور انتهاء المهله الممنوحه له من قبل الفيفا بسبب عدم سداد إدارة الزمالك أتعاب المحامي الذي كان يتولى القضية.
ليخرج مرتضى منصور بتصريحات له : محمد بيومى طلع مع مجدى عبد الغنى، وقال ان الزمالك لم يدفع للمحامى الايطالى أمواله، والمحامى باع القضية.
انا بقولك المحامي الإيطالي سوف يقوم برفع قضية عليك، وأقسم انه مش هيسيبك وانا كمان مش هسيبك علشان كل اللى قولته كدب.
لو كلامك دا صح يبقى ازاى المحامى الايطالى مستمر ورفع القضية الثانية ضد كهربا، كان أبسط حل انه رفض، وانت يا مجدى يا عبد الغنى كان المفروض تتصل برئيس النادى وتسأله.
انا هعرفك يا بيومى ليه كهربا لم يتم وقفه فى مباراة نهائى دورى الابطال امام الوداد، لاننا حتى لو كنا قدمنا شكوى، مكنش هيتوقف، لان القرارات دى مش بتطلع فى يوم.
وكهربا اصلاً مقدمش حاجه في مباراة الوداد، وأول ما خرج الاهلى جاب جول.
